Ella en
yo, inmensa de ninetas, m´en ye gritando,
y me´n fa
barruntar una mena de intimo desafío,
y yo, ya
en ella, me deluyo alibiau dica dixaparecer
como t´o
fuego, t´al augua, t´al aire, tierras d´a mía carne
a la nuei,
toda alma, fundo zielo que comboca, a ormino
me´n torno
pa desbiellar, unatra begada as mesmas
güelladas
perén como no nunca.
Azogue de
mirallo ye a nuei, sublime arquiteutura
de espazios inacorables, cobalto feito d´os
tuyos anelos,
os mios
deseyos, de croxiras y sosiegos puyando-ie
a enzender
reflexos estrelares y estar purnetas siderals.
Como
alteras luminetas puyan dica
posar-sen-ie y fer-sen
cucar
d´estrelas, rebutir de estrelas, eraldos d´o sol,
agullas
que punchan o esmo zerteras…iste debe estar
o zielo
prometiu chapurniau de presenzias, alufras y zertezas.
Te torno a
trobar en tanto que pixo dos bieretas,
a o leco
de Xakira… astí bi yes amagada seo de altars
montaraces
y coro de granotas, con os mios piez firmes
en tierra
y altiba la capeza a toda bida truco, ensinificán,
en bel
metá d´o tiempo, do lo espazio, negro cuco, se trafega…
dixo
esbolastriar deseyos de terneza y armonía do toz,
pa o cabo
benzamos, y me´n torno t´intro, enta o baile
an medran
tangibles goyos por toz conqueraus.
Aquí
tamién a nuei, en os brilos dende o entablidau
de faldas
curtas de luminetas en a preta luz d´os fluoreszens
esfendiendo
as buegas de lo zanzero blanco d´o suyo cado,
en os
secretos rozes d´as güelladas, en minguans lunas royas
iluminando
o que diz os zeños….
difuera,
qui lo dizirba, os barrancos continan baxando,
os
coniellos beilan, os nirnos suenian…
Mil
grichas batendo terrestres alas, cuculos clandestinos,
granotas
barrenatas, siente-lis-ne…. en as finestras molsa negra,
o tiempo
quedo, un mar que suenia... a nuei que terne impera.
Ye l´esprito sin de mugas que bi´n ha entre tu y as tuyas
lunas,
libre suenio… no´n dixes
s´acotole cuan o dia pa cuxirar-nos en plegue.
No hay comentarios:
Publicar un comentario