26/4/20

PIRENHAIKUS

17 + 1 PIRENHAIKUS ( 5 + 7 + 5) . (+1 )

Rustil d’o sol…
en polvo griso s’afogan
as caracolas.

Erizos de mar
remeranzas calsinas
de un mar tropical.

Conchetas rusiens
salagóns y salitre
a mar que s’en fue.

Simiéns de buxo
en zerote burbut
bien luen plegón.

O zapo fito
a la luna se mira,
sol d’o suyo día.

Dos gusiluzes…
dos fierros a la par…
a luna ta Canfranc.

Flors d’almendrera
xambres de paixarelas
que l’airaz esbrúsa.

Canto de glera
al canto lo Gallígo..
no i-siente mica.

Purnas d’estrelas
emplindo tus ninetas…
a nuei s’amaga.

Claréya ya…
limpio cu-cú cu-cú…
o ye luz-luz.… ?.

Aspras osquetas
rallizos esbrecatos…
badinas…sol.

A craba roya
cascabillos pa uellos,
que te me miras?

Lera en tierra
alto n’o rafe bi yera
a boira plora.

L’aloda calla
se fa un silenzio pleno…
de zien gurrions.


Urmos al viento
esgrumas, verda luz
chugar-ie d’Anchels.

Muxón d’as nueis
me fas muit contento
sin tu saber-ne.

Tardada sora
Mormostiar-ie de riscla
crosta de pan.

Zarraus os uellos
perfeutas densidaz
aire…camino.











No hay comentarios:

Publicar un comentario