A maleta.

En a maleta ficó tot que tasamén teneba,

pero no i cogeba que un piazé d´o que´l yera,

y con o ñudo que se fica dizendo luego tornaremos

con dolor y alufras ta unatra bida tortulando marchó.

En as mans sólo que a sal d ´o suyo treballo,

sal d´a suya piel con gusto á fierro recalziau,

sal pa bosar os conzietos de un mar de tierra aintro,

mar de buzos sarga azulina e estrapalucio de cantas de sirena.

En as mans sólo que a sal d ´o suyo treballo,

sal d´a suya piel con gusto á fierro recalziau,

sal pa bosar os conzietos de un mar de tierra aintro,

mar de sarga azulina y estrapaluzio de cantas de sirena.

Desamparau por o beredito d´o nuebo tiempo,

talmén menos aqueferau, inchusto y cruyel

a costera en baxó e a montaña, feita os suyos güellos

i-rendiba ploriconiando a suya amagata redota.

Ta par d´alabez a montaña capiró ambiestas

de soledat en o silenzio d´os primers acarrazos,

enluzernans" planes de desarrollo" que dende difuera

clamaban otilando cantas goyosas en as suyas sirenas.

En o nuebo paisache d´a suya chusta ambición,

anguzia de goyos, feta zarquinazata de contradizions,

no nunca xublidó perque perén t´adebán continó…

Dende ixe tiempo no crebau d´o que á rebutir s´implió,

antismás acotraziato prexinando-lo-se apercazando estrelas

á uñeta, e asinas b´aber un lugar ta par d´el an tot perén l´aguarda.

Agora a ormino torna t´o suyo lugar a mirar de trobar

tot que fa cuasi una bida difuera d´a maleta en dixó,

a machia de un tiempo que estió más d´el que dengún atro,

a rasmia de un paisache que encara alza a luz de casa suya.